Over 30 varierte, unike og kjekke valfag
Gled deg til varierte, unike og kjekke valfag utan press og stress. Dette er ditt år!
Vi har stor fagleg breidde på skulen, og lærarar med lang erfaring. Dermed blir valfaga våre kjekke og varierte. Våre valfag gir deg moglegheita til å forme året slik du vil.
Hos oss får alle elevar årskort i Voss resort, og valfag i skianlegget om dei vil. Piste, offpiste, topptur, alpin, snowboard og langrenn. Kun 1 km frå skulen!
Heilt unikt for Voss folkehøgskule er valfag i vindtunnelen på Voss.
Med over 30 valfag er det heilt sikkert at du finn «dine» fag. Vi veit mange vil prøve nye ting i tillegg til linja!
Lær å padle rett nedom skulen i skulens kajakkar, prøv ekstremsport i trygge rammer, utfald deg i vår kreative avdeling med verkstader og sløyd, spel ilag med andre på band eller ballspel, ver i takt med naturen på naturkjennskap, finn din beat i vårt studio, lær yoga eller pilates med sertifisert lærar, stress ned med massasje, meditasjon eller strikking. Vinterovernatting, isbading, re-design, fallskjermkurs, brettspel - og mykje meir!
Det er ein heil skuledag og ein halv skuledagdag med valfag på timeplanen. I tillegg har vi prosjektvalfag. Du vel valfag for haust- og vårsemesteret. Valfagstilbodet vil variere litt frå år til år.
Les meir om fleire av valfaga her:
Faget gir ein smakebit på det Voss har å tilby av ulike ekstremsportar. Her får du utfordra seg sjølv, og flytta nokre grenser. Passar for alle. Rafting, tandem fallskjerm, elvepadling m.m
Ønsker du å lære deg havpadling? Etter det grunnleggande i dette faget kan du låne skulen sine kajakkar på eigenhand. Fine turar på Vangsvatnet rett ved skulen ventar! Pris inkluderer kursbevis for Våttkort grunnkurs.
Lær deg flyging i vindtunnel. Me vil gå metodisk gjennom ulike teknikkar for kroppsflyging og formasjonsflyging. Etter kvart flyr med saman i konkurranseforma FS4A. Dei som har lyst kan få delta i NM!
Voss er omringa av sykkelstiar. Me kan ta gondolen opp og sykle ned igjen til skulen! Passar for deg som er nybegynner eller har sykla før. Du må ha eigen stisykkel og sikkerheitsutstyr.
Lær å gå enkle toppturar med randonnee-utstyr! Du vil læra å gjenkjenne skredterreng og ta fornuftige vegval i fjellet. Me går trygge toppturar, så du treng berre eige ski-utstyr (ikkje skredutstyr).
Har du lyst til å spela kjente pop- og rocklåtear saman med andre? Då er dette valgfaget for deg. Passer for både nybegynnarar og viderekomne. Alle instrument er velkomne!
Ønsker du å lære å spele - eller bli betre på gitar og/eller ukulele? I dette faget lærer du grunnleggande akkordar og grep, rytme og strumming patterns, og å spele kjende låtar.
Valfag for deg som ønsker å trene og bli sterkare både mentalt og fysisk. Finn treningsglede og tren saman med andre! Perfekt for deg som ønsker å bli klar for vintersesongen med ski og snowboard.