Ekstremsport-Luft

EKSTREMSPORT LUFT

Hopp i det

Lær fallskjerm, vindtunnel, paragliding og skikøyring. Prøv skating, padling og klatring. Opplev meistring og eventyr, vennskap, natur og friluftsliv i telt og snøhule. Ekstremsport- og skibygda Voss!

Om linja: Ekstremsport luft

Voss folkehøgskule har Noregs mest komplette tilbod innan ekstremsport. Ekstremsport Luft er for deg som vil bruke mest tid på å utforske luftsportane, men og køyre mykje på ski og prøve andre ekstremsportar. Å dele unike opplevingar i lag gir oss eit unikt samhald på linja.

Kast deg ut av eit fly eller helikopter, flyg ned ei fjellside eller flyg lengre og høgare med paraglider ...og ta lisensane til og gjere alt på eiga hand! Flyg mange timar i vindtunnelen. Prøv padling, skating, rappellering og klatring. Køyr endelaust pudder i Myrkdalen, og sving deg ned fjellsider i Voss Resort.

Ski- og ekstremsportbygda Voss har alle moglegheiter. Nord-Europas største gondolbane ligg i gangavstand til skulen og Noregs største fallskjermsenter ligg ein sykkeltur unna!

Du og vennane dine er med og legg planar ut frå vêr og vind. Vårt mål er at du skal bli dyktig og sikker i sportane me driv med, og du får fly massevis i løpet av året. Me stiller kvart år med fleire lag i NM i vindtunnel.

I tillegg til å bu i ekstremsportmekkaet Voss, får du oppleva ei fantastisk reise gjennom store deler av Europa. Du får oppleva Sognefjorden på sitt beste med padling, teltliv og naturopplevingar. Det blir toppturar i magiske Vossafjell og mange fine turar i områda rundt skulen sine fjellstølar!

Utstyret me bruker er av høgste kvalitet. Sjå komplett utstyrslister under.

Opplev draumane dine! Velkomen til Voss!

 

TikTok: https://www.tiktok.com/@vossfhsluft

Instagram: https://www.instagram.com/vossfhsluft/

 

 

Kven passar linja for?

Ekstremsport Luft passer for deg som er eventyrlysten, vil utfordra deg sjølv, har pågangsmot og godt humør. Linja passer best for erfarne skifolk, men krever ingen erfaring frå luftsport.

Dette vil du lære

• Alpin skikøyring
(Frikøyring, vidaregående teknikk og topptur mm)
• Fallskjermhopping
(minst 20 hopp og pakkekurs)
• Paragliding
• Vindtunnelflyging
(4-5 timar flytid - tilsvarar ca 3-400 fallskjermhopp)
• Havpadling
• Rappellering
• Skating
• Aktivt friluftsliv
• Snøhulebygging
• Snøskredlære
• Sikkerheit og risikovurdering
• Førstehjelp
• Aerodynamikk
• Meteorologi
• Reiseplanlegging

Om det passer og me får tid til overs, kan me til dømes få til innføring i klatring, kiting, elvepadling, surfing eller speedriding.

Våre forventninger til deg

  • God fysisk form
  • Høgt energinivå
  • Høg grad av deltaking
  • Sunne haldningar
  • Oppmøte kvar dag
  • Dugnadsvilje
  • Gode skiferdigheitar - alpinski
  • Krav til legeerklæring
  • Maks vekt 95 kg

Tik tok: https://www.tiktok.com/@vossfhsluft

Instagram: http://instagram.com/vossfhsluft/

 

 

Søk skuleplass

Sygeste eg har vært med på! Hoppe ud av fly, springe ud fjell med vinge. Adrenalinfylt! Eg e´ hekta! Urørt snø, Vindtunnel- NM og ting eg ikkje hadde drømt om. Store opplevelser med venner for livet!.

- Mari Bakkan Vika, Stavanger, elev 2016/17

Utstyr

Dette utstyret får du låne av skulen

Fallskjerm | Fallskjermhjelm | Hoppdress | Paraglider | Paraglider-hjelm | Speedrider | Teleskopstavar | Elvekajakk | Havkajakk | Våtdrakt | Padlevest | Padlehjelm | Klatreutstyr | Skateboard | Skatehjelm | Skredsøker | Skredspade | Søkestang | Telt | Stormkjøkken

Noko av utstyret kan du kjøpe for ein god pris etter skuleåret.

Du får og eigen radio, førstehjelpsutstyr, fallskjerm-hanskar og fallskjermbriller som du får behalde etter skuleåret.

Dette utstyret må du stille med sjølv

  • Turutstyr (ryggsekk, sovepose, liggeunderlag etc.)
  • Turklede (vindtett og ullklede)
  • Ski-klede
  • Alpinski m/ gå-funksjon
  • Ski-hjelm og ryggplate
  • Sykkel­­

Skulen har gode innkjøpsavtalar på utstyr, og det går heilt fint å kjøpe brukt utstyr.

Obs! For paragliding, speedriding og fallskjerm må du ha medlemskap i Norges Luftsportforbund. Dette kostar rundt kr. 2000,- fram til det året du fyller 20 år og aukar noko etter du fyller 20 år. Dette må dekkast av elevane sjølv på grunn medlemsreglane til NIF.

Me tek opp elevar frå 1.februar.
Det er lurt å søkja tidleg.

Sjå prisar her
Opptaksinfo
Søk skuleplass

Alpene og Europa - frå aust til vest

Turen går til både dei største og mest legendariske skistadane rundt St Anton, Innsbruck, Engelberg og Cortina, men også mindre perler som Bovec i Slovenia! Me reiser ofte saman med andre linjer ved skulen - det blir god stemning!

Me reiser gjerne gjennom 15 - 20 land, med det lengste opphaldet i Tirol i Alpane. I løpet av turen blir det gode moglegheiter for ski, surfing, paragliding og klatring. Om været tillet kan det hende det blir fallskjermhopping.

Turen har som mål å prøva ut sportane me har lært oss gjennom året i nye omgjevnader, men også å prøva nye ting og utfordra oss sjølv.

Det blir også litt tid til å oppleva kulturen i storbyar som til dømes Haag, Basel, Budapest og Praha eller mindre stader i Kroatia eller Italia. Me vel sjølv, og difor endrar turen seg frå år til år.

Me planlegg turen saman i løpet av skuleåret. Elevane er med å legge reiseruta, slik at turen blir «vår». Samhald, turglede og felles opplevingar er i fokus.

Me har valgt å reisa med tog og buss for å:

  • nå unike stader med kultur og begivenheiter me vil få med oss, som me ikkje får med ei typisk flyreise
  • ha fleksibilitet til å leggja opp reiseruta som me vil
  • kunne flytta oss etter den gode snøen og det gode været
  • kunne ha med nok utstyr
  • reisa mykje meir miljøvennleg enn med fly

Turen går dei siste vekene i mars.
Bli med oss på eventyr!

Film

Sjå kva me gjer på denne linja

Sjå fleire filmar

Følg oss på instagram

@VOSSFHS