Livet hjå oss
Folkehøgskule er mykje meir enn linjefag! Å samlast til måltid, i peisestova, på treningsrom og kreative rom, på fellesfag, valfag og aktivitetar gjer at elevane blir kjende på tvers av linjer og vert utfordra på tema vi meiner er viktige.
Vi har undervisning i vanleg skuletid, men og eit mangfald av valfag/aktivitetar på ettermiddag/kveldstid: Vossabadet, vindtunnel, kveldskøyring på ski, arbeid i vår kreative avdeling, musikkstudio, datarommet, LAN og mykje meir!
Morgonsamling er ein god start på dagen – med faste innslag, elevframsyningar og tid for refleksjon. På elevkveldar lagar elevane som bur på kvar sin gang på internatet underhaldning til resten av skulen. På fellesfag og prosjekt jobbar vi på tvers av linjer.
Alt dette bidrar til å skape eit godt sosialt miljø med høg trivsel på skulen. Du vil garantert finne andre som deler dine interesser.
Timeplanen
Timeplanen er variert undervisninga går føre seg på dagtid, men vi har òg timar på ettermiddag og kveldstid.
- Morgonsamling, ein kjekk start på dagen!
- Linjefag 2 og ein halv dagar kvar veke
- Valfag kvar fredag, heile dagen og tirsdag 2 timar
- Fellesfag 1,5 dagar kvar veke;
Laurdagsseminar dei fleste laurdagane.
- Elevkveldar seks laurdagar i året
- Linjeveker før og etter jul
- Prosjekt på tvers av linjer
- Gode seminar
Internatlivet
Elevane bur på skulen og et på skulen. Vi har tre internat, flest dobbeltrom, men òg nokre enkeltrom. Her kan du trekkje deg tilbake, men òg ta del i eit fellesskap. Du vil bu tett på andre menneske med ulik bakgrunn og vil lære toleranse og medansvar, og å bli både ein medspelar og ein motspelar.
Du bur på ein gang på internatet. "Gangen" din har sin eigen lærer og vert ein skikkelig sammensveisa gjeng. Gangen er viktig for trivsel, tryggleik og læring. Utover året gjer du mange kjekke ting med gangen og ikkje minst navigerer ein kvardagen ilag. Både gangen og linja vert viktige i kvardagen. Livet på internatet er ein mjuk overgang til å flytte heimefra som mange elevar syns er ein viktig del av folkehøgskoleåret. Lærarar, internatleier og stipendiater bidreg til at det vert ei lærerik og fin overgang til vaksenlivet.
Du får fire måltid kvar dag i skulens flotte matsal med utsikt over fjell og Vangsvatnet. Mat og gode samtalar under måltidet er viktig for både god helse og trivsel. Vi har tre kokkar på huset som lagar dei rette menyane. Vi har òg internatleiar som hjelper til med praktiske ting og ser til at alle elevane har det bra på skulen.
Vi har ikkje eksamen eller pensum. Vi jobbar med indre motivasjon og fagleg utfordring. Ein unik miks av ungdom og lærarar i eit variert og inkluderande miljø med stor fagleg breidde gjev stort læringsutbytte og personleg vekst. Våre ulike linjer skapar eit variert læringsmiljø! Du lærer mykje i møte med mange ulike elevar og lærarar.
Internata
Folkehøgskulane er internatskular og Voss Folkehøgskule har 3 internat. Du bur (vanlegvis) i dobbeltrom. Nytt eller gammalt, med eller utan eigen dusj og toalett – det vert livleg, alvorleg, inderleg, trygt, intenst og verdifullt.
Midtgard har plass til ca. 60 elevar. 50 bur i dobbeltrom. Alle romma har eigen dusj og toalett. 10 på enkeltrom - dublett - eige rom, 2 stk. deler bad og gang.
Jomsborg har plass til ca. 40 elevar fordelt på enkelt- og dobbeltrom. Her er det dusj og toalett i gangane, men det er vask på romma. Jomsborg er eit gamalt internat, men alle romma er moderniserte i 2015 og er lyse og fine.
Oppigard har plass til ca. 10 elevar i enkle og doble rom. Romma har vask, og dusj og toalett er på gangen. Dette internatet vart modernisert i 2024 og vart utrolig flott med nye bad og lyse fine rom.
Under kan du bla i bilder av romma på skulen:
Mat og kosthald
Mat er viktig for både god helse og god trivsel. På Voss får du god og sunn mat. Vi arbeider for å bruke meir og meir lokale råvarer og å lage maten frå botnen av.
Kokkane på kjøkkenet lagar variert og god mat og gjer sitt til at måltida blir viktige næringsstasjonar og møteplassar.
Til kvardags
Frukost: kornblandingar, brød, diverse pålegg, frukt og grønt, kaffi, te, juice og mjølk
Lunsj: varierer mellom: niste, salatbuffé, supper, brød og pålegg, kaffi og te
Middag: rettar frå vekemenyane, både god norsk kost og «nyare» rettar
Kveldsmat: brød, pålegg og kaffi, te og mjølk.
I helgene
I helgene inneheld måltida litt ekstra. Søndags frukosten har ferske rundstykke og egg, og søndagsmiddagen dessert.
Diettar
Dersom du har behov for tilrettelagt kost fordi du et vegetarisk eller har matintoleranse eller allergi, har vi stor kompetanse på dette og lagar god maten også til deg. Men pga. dyrare råvarer og ekstra arbeid tek vi litt ekstra for dette. Sjå prisar her
