Om Voss Folkehøgskule
Velkomen til eit sosialt og lærerikt år, fylt med utfordringar, meistring og opplevingar!
Voss folkehøgskule ligg vakkert til, midt i smørauget av ekstremsport- og kulturbygda Voss. Omkransa av fjell speglar skulen seg i Vangsvatnet, berre 10 minutters gange frå Voss sentrum med alt bygda har å by på. Ein perfekt stad for ein folkehøgskule!
Heile Voss er vårt klasserom! I tillegg til gode undervisningsrom på skulen, nyttar me Voss sine unike fasilitetar for både kunst og kultur, ekstremsport og friluftsliv.
Alle elevar ved Voss folkehøgskule får:
- Prøve kroppsflyging i Voss vindtunnel
- Årskort i Voss gondol og Voss Resort, som ligg i gangavstand til skulen og tar deg rett til fjells og endelaust pudder!
På Voss veit me at det er mengdetrening som gjer meister. Med to og ein halv linjedag i veka, og ein og ein halv dag til valfag, får du tid til å bli betre i det du interesserer deg for, heilt utan karakterpress og formelle vurderingar.
Eit breitt spekter av ulike linjer gir eit allsidig og inkluderande miljø. Her vil du garantert treffe folk som deler interesser med deg, uansett kva dei måtte vere!
Våre verdiar
Våre sentrale verdiar er glede, openheit, undring og tryggleik:
Me legg til rette for glede som varer livet ut. Me tilbyr trygge aktivitetar på datarom, i studio, i elva, i lufta og i pudderet vi har så mykje av. Me undrar oss om verda, om smått og stort i livet og i faget, og me er opne og ærlege med og for kvarandre.
Glede
Openheit
Undring
Tryggleik
Frilynt folkehøgskule
Voss folkehøgskule er ein frilynt folkehøgskule. For oss betyr det at me er fordomsfrie og tolerante i møte med alle menneske.
I det legg me at me lovar:
- At me legg til rette for personleg vekst for unge menneske ved å la dei finne glede og meistring i fag og i fellesskapet.
- At me har stor fagleg breidde med høgt nivå, og tilbyr trygge aktivitetar.
- At me set av tid til å undre oss, om smått og stort i livet og i faga. Me er opne og ærlege i møte med alle elevar, og lar alle få ein sjanse.
