Om linja
Data og internettlinja er eit allsidig tilbod med grunnleggjande opplæring i data,
ulike programvare, grafisk design, og utvikling av gode websider.
I løpet av året skal du få teste ut nye og kreative måtar å bruke datamaskina på.
Slik byggjer vi eit solid grunnlag for å bruke verktøya/programma
vidare i utdanning, jobb eller fritid.
ulike programvare, grafisk design, og utvikling av gode websider. I løpet av året skal du få teste ut nye og kreative måtar å bruke datamaskina på. Slik byggjer vi eit solid grunnlag for å bruke verktøya/programma vidare i utdanning, jobb eller fritid.
Du vil få sjå alle sidene ved utviklinga, ikkje kun dei tekniske.
Ei web-side må kunne appellere til målgruppa si. Vi skal utvikle gode løysingar som treff.
Vi brukar tankegang innan marknadsføring – brukargrupper, image-branding og kommunikasjon er nokre sentrale begrep. Denne tankegangen er til stor hjelp i den kreative prosessen - til dømes når ein jobbar med grafisk design.
Døme på oppgåver: Elevane har ein del av ansvaret for oppdatering av skulen sin web-side. Du kan bruke kreativiteten din og jobbe med utvikling av til døme CD cover, T-skjorte, radio reklamar, din eigen avatar og andre kreative prosjekt. Kjenner du nokon som trenger hjelp med utvikling av marknadsføring materiell (som brosjyre, web-side, business kort, brevark, logo, plakat, osv.) er det ei flott oppgåve. Kom gjerne med idear.
Undervisninga-vi lærer ved å gjera
Nokon interesserer seg for det grafiske, andre for koding, atter andre for innhald.
Team arbeid er lærerikt, inspirerande og engasjerande.
Slik får vi nytta våre ulike evner på best mogeleg måte.
Vi oppfordrar alle til å samarbeide om oppgåver.
Våre verktøy er ulike program i Adobe Creative Suite slik som Photoshop og Illustrator, samt reiskap som genererar HTML kode.
Du kan arbeide i dei programma du måtte ynskje.
På data og internettlinja vil du ha stor muligheit til å arbeide med dei tema du ynskjer. Du må kunne ta ansvar for eiga læring
og vere villig til å jobbe for di eiga utvikling. Vi går igjennom ein del i fellesskap, men venter at du aktivt søkjer løysingar aleine og i grupper.
du ynskjer. Du må kunne ta ansvar for eiga læring og vere villig til å jobbe for di eiga utvikling. Vi går igjennom ein del i fellesskap, men venter at du aktivt søkjer løysingar aleine og i grupper.
Nokon er ikkje sikre på kva del av dataen dei interesserer seg mest for
når dei kjem hit. Vi har verken eksamen eller pensum,
dette gjer det mogeleg å halde ein vid fokus og du vil få teste ut mange tema
for å finne det rette, noko du likar å arbeide med.
når dei kjem hit. Vi har verken eksamen eller pensum, dette gjer det mogeleg å halde ein vid fokus og du vil få teste ut mange tema for å finne det rette, noko du likar å arbeide med.
Vi har det kjekt i klassen vår. Vi vil bruke tid på å skape eit godt samhald
og eit fint miljø, særleg i starten av året.
Utstyr
Skulen har breiband og klasseromma våre er utstyrt med videokanon,
scanner, digitalt kamera, skrivar, fildeling\LAN, minnepinnar, m.m.
Elevane tar med si eiga datamaskin og bruker denne i studia.
Ein del byggjer eigen datamaskin. Klasserommet er samla i eit felles
nettverk.
Inndeling av undervisninga
Undervisninga er delt inn i fellesundervisning, elevprosjekt\gruppearbeid,
og sjølvvalt studie (eigenstudie). Undervisninga vert lagt opp i samarbeid med elevane. Utover året vil vi og diskutere og reflektere rundt IKT.
Du kan gjerne samarbeide med elevar på andre linjer. Lokala og utstyret står til elevane sin disposisjon
på fridtida, fram til klokka 23.00.
Linja vår er prega av at elevane kjem hit med ulik kunnskap.
Nokre er nybyrjarar, andre kan mykje. Vi gjer alt vi kan for at dei ulike elevane skal få den støtta og dei
utfordringane dei treng. Vi møter deg der du er!
Fellesundervisning, web, grafisk design, databasar, med meir.
Tema for fellesundervisninga er utvikling av web-sider, grafisk design, databasar med meir.
Før jul vil strukturen vere fastlagd. Etter jul vil vi gå inn i spesielle tema.
Vi startar med å setje oss inn i bildebehandlingsprogram og teikneprogram.
Neste steg er program som genererar HTML kode.
Om hausten har vi og eit kurs i databasar.
Elev prosjekt-jobb praktisk med det du interesserer deg for
Vi arbeider med praktiske oppgåver, gjerne i grupper.
Tanken er at du skal få utforske tema du har lyst å lære meir om.
Eksempler på prosjekt:
- Datakurs
- Dataklassen si web side
- LAN party
- Server og nettverksgruppe
- Bygge\mekke på eigen pc
Eigenstudie–du vel!
Kvar elev vel sitt eige studie.
Du kan dykke ned i eit tema som interesserer deg.
Samarbeid gjerne med andre i klassen som har valt same tema.
Det blir felles presentasjon i klassen frå kvart eigenstudie,
slik lærer vi alle litt om ulike tema.
Du vil få rettleiing i å bestemme studie, finne bøker om emne, kurs på internett, ulike internettsider, osv.
Eksemplar på tema for eigenstudie:
Visual basic
- HTML\CSS
- Programmering
- Video og lyd editing
- Marknadsføring
- Visuell utforming\grafisk design
- Video redigering
- Photoshop
Har du nokon gang tenkt over at din generasjon er den første
som har brukt IKT for å snakke med (og få) venner gjennom
chat og e-mail? At foreldra dine hadde (og sikkert har)
heilt andre måtar å kommunisere på? Digitaliseringa
av samfunnet fortset på høgt gir. Måten vi utvekslar informasjon på
endrar seg stadig. Er det rett og slett for mykje teknologi?
Kunne det vert betre? Eig du det du lagrar på Pc`en din
på jobben? Kva konsekvensar får piratkopiering?
Slike og mange andre spørsmål diskuterer vi i klassen vår.
Aktivitetar, avkopling og sosialt liv i klassen
Det er svært viktig at alle trivst og har det kjekt i klassen vår.
Vi vil difor bruke tid på å få til eit godt samhald og miljø.
Vi tek fjellturar på Voss, besøker universitetet i Bergen
og nyttar oss av fagleg relevante opplegg i området. Det blir og utanlandstur.
Når ein set mykje framfor datamaskina er det av stor verdi å lære seg ulike måtar å kople av på. Dei gode ideane kjem ofte etter at vi har vore i fysisk aktivitet. Vi tek oss velfortjente pausar med aktivitetar vi set pris på, f.eks. yoga eller ballspel.